Titulo: BAXANDO T´A ESCUELA
Autor: LA RONDA DE BOLTAÑA
CD: BANDERAS DE HUMO
BAXANDO T´A ESCUELA
Ta Boltaña he baxar
dende Silbes a estudiar,
o maitín prenzipia ya a dispertar;
Dando trucos con o piet
blincaré de tres en tres,
o tozuelo me fa cuentas d´o rebés.
O morral ye plen de libros
y ficau en o pochón
o recau que en casa nuestra me dan.
A gramatica y a istoria,
cheografía u relixión,
biellas paxinas ¡qué empocadas ban!.
¡Que nieba, que nieba,
a cara me se chela!
¡Ascape, ascape,
tenemos que plegar!
Luego ta Boltaña
o maistro mos carraña
se torna prou furo
y mos clama "chabalins".
Dos bezes en os didos,
m´ha trucau a palmeta
por charrar en a fabla
que ye d´o mío lugar,
Debán d´os míos amigos,
que charran castellano,
d´as antigas parolas
m´en fan abergoñar.
Aburla m ´han feito
no he estudiau muito tiempo
pos mi pai me manda
as güellas paxentar
a fosca cozina
con os mixins, denzima,
me ye imposible
poder-me conzentrar.
En rematar a clase
a brenda mos minchamos,
arredol d´a gran mesa
d´o biello profesor.
En a estufa se creman
os leños que he trayíu,
rustidas as tortetas
sapen muito millor.
De tardada y al tornar
chunto a l´Ara he de pasar
por o puen que m´endreza ta o lugar.
O camín he de puyar,
me prenzipio a xorrontar
boi cantando y as bruxas s´en irán.
En os güellos de mi mai
a tristura creigo bier
mil perigros piensa puedo correr.
A mi pai en o treballo
güei le tiengo que aduyar
luego plega la ora d´ir a zenar.
En a olla bulle a sopa
que acotrazia con amor
mai en fa que tot me sepa millor.
Ya en o leito cuan m´aduermo
siento en suenios o cantar
d´ixe gallo que me ba a dispertar.
Santiago Carcas Cuartero - 2009