Es importante, el poder escuchar canciones en aragonés, para poder diferenciar lo escuchado, con lo gramatical o verbal. En este curso encontraremos algunas canciones en aragonés, con su titulo y autor, tanto en aragonés, como en su traducción al castellano; los ejercicios están basados en oir la canción, y en los huecos que quedan en el escrito, rellenarlos con las palabras que correspondan; para acceder a los CDs, será preciso que cada alumno se los proporcione por su cuenta, ya que de otro modo, estaríamos vulnerando la ley de propiedad intelectual.
Titulo: OS MOSICOS D´ACUMUER
Autor: ANCHEL VERGARA Y CIA
CD: ANCHEL VERGARA Y CIA
OS MOSICOS D´ACUMUER
Os mosicos d´Acumuer
yeran unos mosicos finos
lis cuacaba tañer pa o baile
y tamién tastar buen bino.
Si a bota yera plena
tañeban con gran esmero
para prebar luego un tragué
no se´n quedaban zagueros.
Biolines y guitarras
sonaban a pura gloria
o requinto y o laud
tamién dixaban memoria.
Amás hai uno de ellos
que tamién ye buen gaitero
ye de nombre Baltasar
y de Casa Molinero.
Bel díya de San Lorenzo
se´n marchón enta Franzia,
quereban tocar por ferias
por bier si feban gananzia.
Pasan por o Sobremonte,
Aso, Yosa y Betés,
enzima mismo de Biescas
bien zerqueta están os tres.
Congosto de Santa Elena,
Polituara, enta Saqués,
por O Pueyo ta Lanuza,
pa plegar enta Sallén.
Formigal dica o Petrusco
á pasar o Portalet,
"Ó, polida Bal de Tena,
adiós, ¿cuán te beyeré?".
"Mi guitarra morena
llora de pena,
porque te fuiste lejos
de la Valle Tena".
Ya marchan enta Gabás
en busca de bel treballo,
baxan tocando y cantando
bien contentos cara abaxo.
En a gran Billa de Pau
beyen cosas renombradas
un castiello mui famoso
que parixe cosa de fadas.
O castiello ye gran cosa
no lis faltaba razón,
millor cosa ye encara,
o bino de Jurançon.
Os mosicos al tastar-lo
alegran o corazón
¡d´iste bino no en tenemos
por o nuestro Alto Aragón!.
"Ye flojé, pero ye bueno,
amarillo de color,
entra suabe y ligero
y bien bueno de sabor".
"Bota perisfota, de pirichín, de perichota,
de garrapatiello, de piel de choto y chota,
y quí no diga tres bezes bota perisfota, de perichín de perichota,
de garrapatiello, de piel de choto y chota,
no beberá ni gota".
Tañeron en muitas ferias,
en Lourdes y en Olorón,
sacaron buenas perretas,
lo zelebran con porrón.
Lis baga lebar ta casa
bella cosa d´ixe bino
pa beber-lo en o lugar,
compartir con os bezinos.
"En o boto de ra gaita
lo podebanos escar,
no sabrán os carabiners
lo que imos á pasar.
Como un boto yera poco
plenarón dos u tres más,
los bistieron con faldetas
pa poder desimular.
"Anque metan en la mina
trenta mil carabiners,
l´han pasau y pasarán
los chesos y os d´Acumuer".
De camino enta casa
por Bedous y la Bal d´Aspe,
por Urdos y Peyrenere
o puerto pasar ascape.
Sansanet entre os fabos
baxo o Pico d´a Garganta,
cuan se beye o Somport
bien goyosos toz i cantan.
Los beyen os carabiners
y astí mismo lis aturan
lis preguntan que quí son
y tamién que d´ande puyan.
-¿Qué llevan estos señores,
qué tienen que declarar?
-Cosa portiamos enzima,
que benimos de tocar.
-Músicos de Acumuer
¿porqué llevan tantos cueros,
porqué llevan tanta gaita
si sólo uno es gaitero?
Toz sabemos tocar gaita
con más o menos saberes,
y si no que lis pregunten
as nuestras buenas mullers.
"A muller de o gaitero
tiene fortuna,
ella tiene dos gaitas,
las demás una".
-No se pase de gracioso
dizió lo carabinero
ritorzendo-se o mostacho
-ustedes son paqueteros.
No siñor carabinero
somos mosicos de berdá,
agora pa demostrar-lo
imos chuntos a tocar.
Tañen biolín y guitarra,
o requinto y o pandero,
pero no tañeba cosa
o probezico gaitero.
-Toque usted, señor gaitero,
toque mudanzas hermosas,
si no toca ahora mismo
les ponemos las esposas.
Chufla o probe gaitero
apretando firme o codo,
y o bino que yera dentro
por os chuflos sale todo.
A trapaza s´ha escubierto
y tamién a mercanzía,
ya lis leban aturaus
enta o puesto de polizía.
Pa que purguen a sentenzia
de contrabando de bino
o chuez lis manda que toquen
por os lugars de o camino.
Os mosicos mui contentos
enta casa ya s´en ban
pero antis farán fiesta
en a billa de Canfrán.
Bellanuga lis aguarda
pa fer a suya funzión
fan o baile en Plaza Alta
ande chugan a frontón.
En Castiello tamién tocan
una polida funzión,
se lis chunta t´a orquesta
Marianet con l´acordión.
Puyan la Garzipollera
por Bescós, dimpués Azín,
Billanobilla y Larrosa,
luego Beyerán Laurín.
Cuan i plegan ta Acumuer
cuentan a suya abentura;
lo zelebran con gran fiesta,
creigo que agún lis dura...
Santiago Carcas Cuartero - 2009